პარალელურად მადურო აცხადებს, რომ სამხედროების დიდი ნაწილი მას ემორჩილება და გუაიდოს მხარეს ჯარისკაცთა მცირე ჯგუფია გადასული და მისი ერთგული ჯარისკაცები სამხედრო გადატრიალების მცდელობას აღკვეთენ. როიტერის ცნობით, მადუროს მხარდამჭერებმა ავიაბაზასთან ცრემლსადენი აირი გაუშვეს. მადურომ ასევე შეზღუდა ქვეყნის მოსახლეობის წვდომა სოცქსელ Twitter, Periscope და Facebook-თან.

დემოკრატიული ქვეყნები, და ლათინური ამერიკის ხელისუფლებები, რომლებიც მხარს გუაიდოს უჭერენ, აცხადებენ, რომ სამხედრო დაპირისპირება ყოვლად დაუშვებელია და ქვეყანაში აუცილებელია რიგგარეშე საპრეზიდენტო არჩევნების ჩატარება. მათ მოსახლეობას ოპოზიციის მხარდაჭერისკენ მოუწოდეს.

დემოკრატიული ოპოზიციის მხარდასაჭერი განცხადებები გაავრცელეს აშშ-ის სახელმწიფო მდივანმა მაიკ პომპეომ და ესპანეთის ხელისუფლებამ, რომელთაც ასევე მოუწოდეს მადუროს შეწყვიტოს შეიარაღებული დაპირისპირება.

რუსეთის პოზიცია კვლავ მისი მომხრე დიტატორის მხარდაჭერას გამოხატავს.