ტრეფიკინგის ბრალდებით დაკავებული უკრაინელი ქალის საქმე - 10 ბავშვიდან 2 ჯერ კიდევ ქუთაისის საავადმყოფოში რჩება. ისინი სამედიცინო დაწესებულებაში ინტოქსიკაციის ნიშნებით მოათავსეს.

სამედიცინო პერსონალის განცხადებით, ბავშვების ჯანმრთელობის მდგომარეობა დამაკმაყოფილებელია. ამის მიუხედავად, კლინიკის წარმომადგენლები ბავშვების საავადმყოფოდან გაწერას სოციალური მომსახურების სააგენტოს გადაწყვეტილების გარეშე ვერ ახერხებენ.კლინიკის მთავარი ექიმის, თეიმურაზ ნადირაძის, განცხადებით, სოციალური სამსახური ორგანიზაციულ საკითხებს აგვარებს, რის შემდეგაც ბავშვები კლინიკას დატოვებენ.

„ორი ბავშვი რჩებოდა ჩვენთან - 7 თვის და 1 წლის, რადგან მათი მკურნალობა არ იყო დამთავრებული. დღეისათვის, პრაქტიკულად, ჯანმრთელები არიან, შეიძლება, დღეს გაეწერონ საავადმყოფოდან. ვთანამშრომლობთ სოციალურ სამსახურთან და მათი თხოვნით რაღაც ორგანიზაციული საკითხები გვარდება და შევთანხმდით, რომ ისინი ხვალ დილით დატოვებენ კლინიკას,“ - განაცხადა ნადირაძემ.