გაეროს უსაფრთხოების საბჭომ სირიაში ქიმიური იარაღის განადგურების შესახებ რეზოლუცია ერთხმად მიიღო. ახლა სირიაში არცერთ მხარეს არ შეეძლება ქიმიური იარაღის წარმოება, შეძენა, მოგროვება ან შენახვა, ასევე მისი ვინმესთვის გადაცემა.

გაეროს უსაფრთხოების საბჭოს სხდომა მინისტრების დონეზე გაიმართა. რეზოლუციის პროექტი აშშ-ის და რუსეთის დელეგაციებმა წარმოადგინეს.

საბჭომ ასევე მტკიცე პოზიცია დაიკავა იმასთან დაკავშირებით, რომ სირიაში ქიმიური იარაღის გამომყენებელი პირები პასუხისგებაში უნდა მიეცენ.

კონფლიქტი სირიაში 2011 წლის მარტში დაიწყო, რასაც 100 000 ადამიანზე მეტი შეეწირა.