21 აპრილს ქრისტიანების ნაწილი აღდგომის დღესასწაულს ზეიმობს. გუშინ თბილისის მარიამ ღვთისმშობლის ზეცად აღყვანების კათოლიკურ კათედრალურ ტაძარში სააღდგომო ღვთისმსახურება ჩატარდა.

„დღევანდელი დღესასწაული არის მწვერვალი ღმერთის ხსნის ისტორიის. ჩვენ უნდა ვიზეიმოთ სიხარულით, ვინაიდან დღევანდელი მომენტიდან ყველა დიდი პრობლემა ადამიანისთვის, როგორიც არის ბოროტება და სიკვდილი, დამარცხებულია.

მინდა, დღეს მივულოცო ყველას, ვინც ამ დიდ დღესასწაულს ზეიმობს ამ კვირას და მომავალ კვირას. ყველა ქრისტიანში არის ერთი სააღდგომო თესლი. ჩვენ შექმნილნი ვართ მარადისობისთვის. გისურვებთ კარგ, ლამაზ აღდგომას და იმედს თქვენს გულში”, - განაცხადა ამიერკავკასიის ლათინური წესის კათოლიკეთა სამოციქულო ადმინისტრატორმა ეპისკოპოსმა ჯუზეპე პაზოტომ.

დღეს აღდგომას ასევე ლუთერანული ეკლესიისა და სომხური ეკლესიის მრევლიც აღნიშნავს.

_{ფოტო: 1 არხი}