"Роснефть"-მა როიტერს "ფსევდოსააგენტო" უწოდა და მისი რუსეთის ტერიტორიაზე აკრძალვა მოითხოვა

მსოფლიო - 14:41, 20 Apr, 2019

1094

რუსულმა კომპანია "Роснефть"-მა, რომელსაც პუტინის უახლოესი მეგობარი იგორ სენჩინი ხელმძღვანელობს, მსოფლიოს ერთერთ წამყვან მედიასაშუალებას, "როიტერს" "ფსევდოსააგენტო უწოდა და მისი რუსეთის ტერიტორიაზე აკრძალვა მოითხოვა.

საქმე ეხება "როიტერის" მიერ 19 აპრილს გამოქვეყნებულ მაალას, სადაც საუბარია, რომ ვენესუელა აშშ-ის მიერ დაწესებულ სანქციებს რუსული კომპანიების, მათ შორის "Роснефть"-ის მეშვეობით უვლის გვერდს და კვლავ ახორციელებს ნავთობის ექსპორტს.

მასალაში ნათქვამია, რომ ვენესუელის სახელმწიფო ნავთობკომპანიამ PDVSA, რომელიც ა.წ. იანვარში აშშ-ს სანქცირებულთა სიაში შეიყვანეს, გაყიდული ნავთობის ანგარიშფაქტურები "Роснефть"-ზე გადაამისამართა.

პიტინის მფარველობის ქვეშ მყოფი კომპანია მომენტალურად ურიცხავს თანხებს PDVSA-ს, რის გამოც მას საშუალება ეძლევა თავი აარიდოს ნავთობის გაყიდვის შეთანხმებებისათვის დაწესებულ სტანდარტულ ვადას 30-90 დღეს.

სააგენტო სტატიაში ოფიციალურ დოკუმენტებს და წყაროებს ეყრდნობა.

"ფული რჩება რუსულ ბანკებში, ან დარჩენილი გადახდებისთვის გამოიყენება, მაგალითად, საზღვაო გადაზიდვების ასანაზღაურებლად, ან ფრაქტისთვის, რის გამოც ნავთობის ექსპორტი არ წყდება," - აცხადებს PDVSA-თან დაკავშირებული წყარო.

თანხის ნაწილი ასევე ფადის რუსეთ-ვენესუელის ბანკ "ევროფინანს მოსცნარბანკის" მეშვეობით, როლეიც 2019 წლის მარტში ასევე სანქცირებულთა სიაშია.

"Роснефть"-ი ყველაფერ ამას სიცრუეს უწოდებს და რუსეთის სამართალდამცავ ორგანოებს, მათ შორის ФСБ-ს, "ფსევდოსააგენტოს" საქმიანობის რუსეთის ტერიტორიაზე შეწყვეტას" სთხოვს.

"როიტერმა შეწყვიტა საქმიანობა როგორც საინფორმაციო სააგაენტომ და სისტემატიურად ეწევა დეზინფორმაციის შექმნასა და გავრცელებას. იგი ახორციელებს ჭორების ლეგალიზებას, კონკურენტების დაკვეთით, იგონებს ცრუ ინფორმაციას, რათა ზიანი მიაყენოს რუსეთის ეკონომიკას, კომპანიებსა და სახელმწიფოს," - აცხადებს პროპუტინისტური კომპანია და სააგენტოს საქმიანობას "საინფორმაციო დივერსიას უწოდებს.