ზუგდიდის რეფერალურ საავადმყოფოში 10 არასრულწლოვანი ინტოქსიკაციის ნიშნებით მოათავსეს.

„ნიუპოსტის“ კორესპონდენტის ცნობით, პაციენტები უცხოელები, სავარუდოდ უკრაინელები არიან.

მათ სამედიცინო პერსონალი შესაბამის პროცედურებს უტარებს.

მკურნალი ექიმის, მზია გერგედავას განცხადებით, პაციენტებს კვებითი ინტოქსიკაცია აღენიშნებათ. რაც შეეხება ჯანმრთელობის მდგომარეობას მისივე თქმით პაციენტთა მდგომარეობა დამაკმაყოფილებელია და უახლოეს საათებში ქუთაისის ინფექციურ საავადმყოფოში გადაიყვანენ.

ყველაზე პატარა მოწამლულთაგან 7 თვის ჩვილია.

კანონის თანახმად, გამოძახებული იქნა საპატრულო პოლიცია. სამართალდამცავები ბავშვების დედას კითხავენ.

დეტალები ჯერჯერობით უცნობია, თუ რამ გამოიწვია ინტქოსიკაცია და რა მიზნით იმყოფებიან ისინი საქართველოში.