"მე თქვენი ოპონენტი კი არა, თქვენი განაჩენი ვარ"- ზელენსკისა და პოროშენკოს ორიგინალური დებატები სტადიონზე

მსოფლიო - 21:30, 19 Apr, 2019

2129

კიევის ოლიმპიურ სტადიონზე პოროშენკო-ზელენსკის დებატები გაიმართა. ვლადიმირ ზელენსკიმ, რომელმაც პირველ ტურში ხმების უმრავლესობა მოიპოვა მოქმედ პრეზიდენტ პეტრო პოროშენკოს მიმართა და თავისთავზე განაცხადა, რომ პოლიტიკოსი არაა

„ პეტრ ალექსის ძევ, მე თქვენი შეცდომების და დაპირებების შედეგი ვარ“- განაცხადა ზელენსკიმ.

ზელენსკის თქმით, მან წინა არჩევნებზე მხარი პოროშენკოს დაუჭირა თუმცა აღმოჩნდა, რომ შეცდა:

„მე ხმა პოროშენკოს მივეცი, მაგრამ შევცდი, არ შემეძლო წარმომედგინა, რომ „ახლებურად ცხოვრება“ „არსებობისთვის ბრძოლას“ ნიშნავდა... მე თქვენი ოპონენტი კი არა, თქვენი გაანჩენი ვარ“- აღნიშნა ზელენსკიმ.

თავის მხრივ პოროშენკომ განაცხადა, რომ ზელენსკი კარგი მსახიობია და საკუთარი თავისგან კარგი პროდუქტი შექმნა. პოროშენკომ უკრაინელ ხალხს მოუწოდა, რომ არჩევნების მეორე ტურში ხმის მიცემისას მომავალზე იფიქრონ და ქვეყანა ხელში არ ჩაუგდონ პუტინსა და ოლიგარქ კოლომოისკის, რომელიც ზელენსკის დამფინანსებლად ითვლება.

დებატებისას ზელენსკიმ ომში დაღუპულთა ოჯახებს დაუჩოქა და პეტრო პოროშენკოსაც იგივეს გაკეთებისკენ მოუწოდა, თავის მხრივ პოროშენკომაც დაიჩოქა.