ნინო ანანიაშვილი ევროპა ნოსტრას პრეზიდენტად აირჩიეს

საზოგადოება - 20:07, 19 Apr, 2019

932

თბილისის ოპერისა და ბალეტის თეატრის ბალეტის სამხატვრო ხელმძღვანელი ნინო ანანიაშვილი ევროპა ნოსტრას საპატიო პრეზიდენტად აირჩიეს.

ანანიაშვილის თქმით, მას სურს რომ უფრო მეტად გაიტანოს საქართველოს სახელი ქვეყნის საზღვრებს გარეთ.

„ჩემთვის დიდი პატივია, ვიყო ევროპა ნოსტრას პრეზიდენტი საქართველოში. ევროპა ნოსტრას პრეზიდენტი ოპერის დიდი მომღერალია პლაჩიდო დომინგოა. წლების წინ ერთსა და იმავე თეატრის – ნიუ იორკის მეტროლოიტენ ოპერას სცენაზე მე ვცეკვავდი, ის – მღეროდა. მე, როგორც ბალერინამ და ახლა როგორც ხელმძღვანელმა, უფრო მეტად მინდა, გავიტანო საქართველოს სახელი საზღვრებს გარეთ, უფრო მეტად შევძლებთ გავაშუქოთ და ვისაუბროთ ჩვენს ისტორიაზე და კულტურულ მემკვიდრეობაზე“, – განაცხადა ნინო ანანიაშვილმა.

ევროპა ნოსტრა კულტურული და ბუნებრივი მემკვიდრეობის დაცვის ორგანიზაციების პან-ევროპულიგაერთიანებაა, რომელიც 1963 წელს დაარსდა და ყველაზე წარმომადგენლობითი ევროპული ქსელია. ორგანიზაციის მიზანია ევროპის ბუნებრივი და კულტურული მემკვიდრეობის უნიკალური ძეგლების შენარჩუნება და დაცვა. ევროპა ნოსტრა ევროპის 50-მდე ქვეყნის 250 კერძო და საჯარო ორგანიზაციას, 150 ასოციაცირებულ და 1500-ზე მეტ ინდივიდუალურ წევრს აერთიანებს.