გაფიცვა აჭარის ტელევიზიაში - 13 ოპერატორი დილიდან გადაღებებზე არ გადის. ისინი ხელფასების 50%-იან გაზრდას ითხოვენ. ოპერატორები ამბობენ, რომ მათ, ოპერატორობის გარდა, მემონტაჟის ფუნქციის შეთავსებაც უწევთ.

გაფიცვის მიუხედავად, აჭარის ტელევიზიის საინფორმაციო სამსახური მუშაობას აგრძელებს. გადაღებებზე ბიუროებისა და ანალიტიკური განყოფილების ოპერატორები გადიან.

შეგახსენებთ, რომ დღეს აჭარის ტელევიზიის დირექტორის იმპიჩმენტზე ბორდი იმსჯელებს. სამი ხმაა საჭირო ნათია კაპანაძის გადაყენებისთვის. ბორდის ორმა წევრმა ნათია კაპანაძის გადაყენების საკითხი რამდენიმე დღის წინ დააყენა.