სტამბოლის არჩევნების შედეგები რეალურად ცნეს - ერდოღანის პარტია დამარცხდა , სტამბოლი ოპოზიციისაა

მსოფლიო - 18:00, 17 Apr, 2019

2862

თურქეთის ცენტრალურმა საარჩევნო კომისიამ, სტამბოლში ჩატარებული ადგილობრივი თვითმმართველობების არჩევნები რეალურად და შემდგარად აღიარა. თურქეთის უდიდეს ქალაქში გამარჯვება ოპოზიციური, რესპუბლიკური პარტიის კანდიდატმა მოიპოვა,

თურქეთის მმართველი პარტია, რომელსაც პრეზიდენტი რეჯეპ ტაიპ ერდოღანი მეტაურობს, ცდილობდა რომ სტამბოლი არჩევნების შედეგები გაუქმებისთვის მიეღწია. სტამბოლის მერის პოსტიდ ოპოზიციის ხელში გადასვლა, შესაძლოა პირადად ერდოღანისთვის გახდეს დარტყმა. 1994 წელს ის თავად გახდა სტამბოლის მერი და განაცხადა, რომ „ვინც მართავს სტამბოლს, მართავს ქვეყანას.“

თურქეთში მუნიციპალური არჩევნები 31 მარტს ჩატარდა. ორი მთავარი პარტიის დაპირისპირება განსაკუთრებით მძაფრი იყო სტამბოლში. ხმების 100 %-ის დათვლის შედეგად მიღებული მონაცემებით თურქეთის ეკონომიკურ, კულტურულ და ისტორიულ ცენტრში რესპუბლიკური სახალხო პარტიის კანდიდატმა ერკემ იმამოღლუმ 48.79% მოაგროვა, მმართველი პარტიის კანდიდატმა ბინალი ილდირიმმა კი 48.51%, განსხვავება დაახლოებთ 2000 ხმა იყო. 80-ზე მეტი უბნიდან საარჩევნო კომისიაში საჩივრები შევიდა ხმების ხელახლა გადათვლასთან დაკავშირებით. ხმების გადათვლის შემდეგ გამარჯვებულად კვლავ ოპოზიციის კანდიდატი დარჩა.

თურქული მედიის ინფორმაციით, სტამბოლის მერობის კანდიდატი ერკემ იმამოღლუ დღეს მიწვეულია სტამბოლის შიშლის რაიონის სასამართლოში, სადაც პროვინციის საოლქო საარჩევნო კომისია მდებარეობს. იმამოღლუს სავარაუდოდ, სტამბულის მერის თანამდებობაზე მუშაობის უფლების დოკუმენტს გადასცემენ.

ოპოზიციის კანდიდატებმა გაიმარჯვეს დედაქალაქ ანკარასა და სიდიდით მესამე ქალაქ იზმირშიც. ასევე ოპოზიციის კანდიდატებმა გაიმარჯვეს საქართველოს საზღვრის მიმდებარე ართვინისა და არდანის პროვინციებში და ხმელთაშუაზღვისპირა პროვინციებში.