"პანორამა თბილისის" მშენებლობიდან სამი მუშა ჩამოვარდა, რომლებიც საავადმყოფოში რჩებიან. მათი ჯანმრთელობის მდგომარეობა სტაბილურია ახალგაზრდა ბიჭების სიცოცხლეს საფრთხე არ ემუქრება.

"პაციენტს აღენიშნება ქალა-ტვინის ტრავმა, თავის ტვინი შერყევა, გულ-მკერდის დახურული ტრავმა, ტრავმული პნევმო-თორაქსი, ნეკნების მოტეხილობა, გულ-მკერდის რბილი ქსოვილების დაჟეჟილობა, მარჯვნივ იდაყვის ამოვარდნილობა" - აღნიშნა ერთ-ერთი დაშავებულის ექიმმა.

შემთხვევა გუშინ მოხდა. დაშავებულები 21 წლის გიორგი ლიპარტელიანი, 19 წლის ნოდარ ჩახალიანი და 20 წლის დავით ოჩხიკიძე არიან.

ახალგაზრდა ბიჭები რამდენიმე წელია "პანორამა თბილისის" ობიექტებზე მუშობენ, ისინი ლანჩხუთიდან არიან.

მომხდარ ფაქტთან დაკავშირებით, შრომის ინსპექციამ მოკვლევა უკვე დაიწყო.