ნოტრ-დამის კოშკი ჩამოინგრა - პარიზში, საშინელ ხანძარს დონალდ ტრამპი გამოეხმაურა

მსოფლიო - 23:17, 15 Apr, 2019

2217

ხანძარი პარიზის ღვთისმშობლის ტაძარში- ხანძრის შედეგად, ტაძრის კომპლექსის კოშკი ჩაინგრა. „ფრანს პრესის“ ცნობით, ამის შესახებ პარიზის მერის მოადგილემ განაცხადა. ტაძრის წარმომადგენელის განცხადებით, ცეცხლი ტაძრის მზიდ კონსტრუქციას უკიდია. გავრცელებული ინფორმაციით, საფრანგეთის პრეზიდენტი ემანუელ მაკრონი უახლოეს დროში ადგილზე მივა. პარიზის მერმა ან იდალგომ განაცხადა, რომ საშინელი ხანძარია. ტაძრის მიმდებარე ტერიტორიიდან ხალხის ევაკუაცია განხორციელდა. ქალაქის მერია მოსახლეობასა და ტურისტებს მოუწოდებს თავი შეიკავონ ნოტრ-დამის მიმდებარე ტერიტორიაზე გადაადგილეისგან. პარიზის ღვთისმშობლის ტაძარში ხანძრის გამო საფრანგეთის პრეზიდენტმა, ემანუელ მაკრონმა დღეს დაგეგმილი სიტყვით გამოსვლა გადადო. ინფორმაციას სააგენტო „ფრანს პრესი“ ელისეს სასახლეზე დაყრდნობით ავრცელებს. საფრანგეთის პრეზიდენტს დღეს მოსახლეობისადმი მიმართვისას ყვითელჟილეტიანების საპასუხოდ ახალი ზომები უნდა გამოეცხადებინა. პარიზის ღვთისმშობლის ტაძარში ხანძარი ადილობრივი დროით დაახლოებით 18:00 საათზე გაჩნდა. სოციალურ ქსელებში გავრცელებულ ფოტოებსა და ვიდეოებში ჩანს ტაძრიდან გამომავალი კვამლი და ცეცხლის ალი. სარესტავრაციო სამუშაოების გამო, ტაძრის ნაწილი ხარაჩოებში იყო მოქცეული. ამიტომ ვარაუდობენ, რომ ხანძრის გაჩენის მიზეზი სწორედ სარესტავრაციო სამუშაოებია. პარიზის ღვთისმშობლის ტაძარში საშინელი ხანძარია, – ამის შესახებ სოციალურ ქსელ „ტვიტერში“ საფრანგეთის დედაქალაქის მერი ან იდალგო წერს. ჯერერობით უცნობია, რა გახდა ტაძარში ხანძრის გაჩენის მიზეზი. თუმცა, როგორც „ბიბისი“ წერს, ხანძარი შესაძლო ტაძარში მიმდინარე სარესტავრაციო სამუშაოებს უკავშირდება. დონალდ ტრამპი პარიზში ღვთისმშობლის ტაძარში გაჩენილ ხანძარს სოციალურ ქსელ „ტვიტერში“ ეხმაურება. „საშინელებაა პარიზში ნოტრ დამის საკათედრო ტაძარში მასიური ცეცხლის ყურება. იქნებ, მფრინავი წყლის ავზები იქნას გამოყენებული მის ჩასაქრობად. საჭიროა სწრაფად მოქმედება“, – წერს აშშ-ის პრეზიდენტი.