როდის და სად შედგება ზელენსკი-პოროშენკოს დებატები

მსოფლიო - 16:29, 14 Apr, 2019

757

დღეს უკრაინის პრეზიდენტი პეტრო პოროშენკო კიევის ოლიმპიურ სტადიონზე მის მოწინააღმდეგე ვლადიმირ ზელენსკის ელოდებოდა. პოროშენკოს შეთავაზებით 14 აპრილს ადგილობრივი დროით 14 საათზე მათ შორის დებატები უნდა გამართულიყო, ამ შეთავაზებაზე ზელენსკიმ უარი განაცხადა და პოროშენკო დებატებში 19 აპრილს გამოიწვია.

უკრაინის პრეზიდენტი ოპონენტს 15 საათამდე ელოდა და შემდეგ განაცხადა, რომ იგი 15 აპრილს ტელეარხ ICTV-ზეა მიწვეული, გადაცემაში "Свобода слова" და რადგანაც ამავე არხზე ზელენსკიცაა მიწვეული, მას დებატების გამართვა პირდაპირ ეთერში შესთავაზა და დასძინა, რომ თუ ორშაბათს ეს ვერ მოხერხდება, შეიძლება დებატები სამშაბათსაც გაიმართოს.

პოროშენკოს შტაბი ასევე განიხილავს ვლადიმერ ზელენსკის შეთავაზებას 19 აპრილს, არჩევენებამდე 2 დღით ადრე, კიევის ოლიმპიურ სტადიონზე დებატების გამართვის შესახებ."თუ ეს დებატები იმ დროს დაინიშნება, რომელიც უკრაინის კანონმდებლობბას არ ეწინააღმდეგება, შეიძლება განვიხილოთ მასში მონაწილეობის საკითხი. მაგრამ, როგორც ცნობილია, ის იმ დროს დაიგეგმა, როდესაც, კანონის თანახმად, პოროშენკო საზოგადოებრივ მაუწყებელზეა მიწვეული. შესაბამისად, როგორც კანონმორჩილი მოქალაქე, პოროშენკო საზმაუში მივა," - განაცხადა პოროშენკოს შტაბის წარმომადგენელმა ოლეგ მედვედევმა.