ხელვაჩაურის სამხედრო ბაზის ტერიტორიაზე, 1937-1938 წლებში რეპრესირებულთა საერთო სამარხი აღმოაჩინეს, რეპრესირებულბის სთამომავლები მივიდნენ და ტერიტორიაზე შესვლამოითხოვეს.

ისინი დნმ-ის ანალიზსა და განმარტებებს ითხოვენ.

ბათუმისა და ლაზეთის ეპარქიაში ჯერ კომენტარს არ აკეთებენ.

საქართველოს თავდაცვის სამინისტროს განკარგულების თანახმად, ფრიდონ ხალვაშის ქ. #338-ში მდებარე საბანაკო შეკრების ბაზა #3-ის გარკვეული ტერიტორია დროებით სარგებლობაში გადმოცემული იყო საქართველოს საპატრიარქოზე. აღნიშნულ ტერიტორიაზე აღმოჩენილი იქნა 1937-1938 წლებში ბოლშევიკური რეპრესიების დროს სტალინური სიების თანახმად დახვრეტილ მოქალაქეთა 4 სამაროვანი, რომელშიც 150-მდე ადამიანის ნეშტი იყო უწესრიგოდ და უპატიოდ განთავსებული. შესაბამის სამსახურებთან შეთანხმებით მოხდა ეპარქიის მიერ მათი ამოსვენება. ა/წ 21 აპრილს, 15:00 საათზე, ბათუმის #3 სამხედრო ბაზის ტერიტორიაზე მოხდება მათი პატივით დაკრძალვა.

განცხადებას ბათუმისა და ლაზეთის ეპარქია ავრცელებს, რომელიც ეპარქიის ფეისბუქგვერზეა განთავსებული.