8 მეთოდი საუკეთესო სადაზღვევო კომპანიის შესარჩევად

საზოგადოება - 16:17, 05 Apr, 2019

537

ყველაფერი შეიძლება მოხდეს, ამიტომ გაუთვალისწინებელ მოვლენებზე თავიდანვე უნდა იზრუნოთ და დააზღვიოთ რისკები. თუმცა, დაზღვევის მნიშვნელობის გააზრება საკმარისი არ არის, ასევე მნიშვნელოვანია რომელ კომპანიაზე შეაჩერებთ არჩევანს. გაითვალისწინეთ ქვემოთ მოცემული რჩევები, შეადარეთ ერთმანეთს სხვადასხვა სადაზღვევო კომპანიები და მიიღეთ პრაგმატული გადაწყვეტილება.

რას უნდა მივაქციოთ ყურადღება სადაზღვევო კომპანიის შერჩევისას:

საერთაშორისო პარტნიორები - მსოფლიო დონის პარტნიორობის ყოლა კომპანიის პასუხისმგებლობასა და სანდოობაზე მეტყველებს. თქვენი რისკები რიგ შემთხვევებში სწორედ დიდ, საერთაშორისო კომპანიებშია გადაზღვეული და ზარალის დადგომისას შეგიძლიათ მშვიდად იყოთ.
გამოცდილება - დღესდღეობით უამრავი ახალი კომპანია ჩნდება ბაზარზე, თუმცა როცა თქვენს ჯანმრთელობას, ავტომობილს თუ ქონებას ვინმეს ანდობთ, აუცილებელია სადაზღვევო კომპანიის გამოცდილებითა და ისტორიითაც დაინტერესდეთ. რამდენი ხანია ბაზარზე? რომელ სეგმენტზე მუშაობს? კონკრეტულ სადაზღვევო პროდუქტში, რომლითაც ინტერესდებით რამდენწლიანი გამოცდილება აქვს? - ეს ის კითხვებია, რომელითაც უნდა დაინტერესდეთ.
კმაყოფილი მომხმარებლები - ადამიანი, რომელმაც უკვე ისარგებლა დაზღვევით საკმაოდ კარგი ინფორმაციის წყაროა, ამიტომ შეგიძლიათ გაიკითხოთ ნაცნობებში რომელი კომპანიის მომსახურებით სარგებლობენ. მნიშვნელოვანია უარყოფითი თუ დადებითი უკუკავშირის მიზეზიც გამოკითხოთ და ნუ ენდობით მხოლოდ ზედაპირულ შეფასებას.
ბენეფიტები - კარგი კომპანიები მუდმივად ზრუნავენ მომხმარებლებზე და მათ ბევრ, ბენეფიტს სთავაზობენ. ამ ფაქტორის გათვალისწინება მნიშვნელოვანია, რადგან ეს კომპანიის მხრიდან მზრუნველობის გამოვლინებაა.
სისწრაფე - რამდენად მოკლე დროში ანაზღაურებენ ზარალს და რამდენად მარტივად ხდება ონლაინ ახალი პროდუქტის შეძენა. ხშირ შემთხვევაში სწორედ ამ პროცედურების სიმარტივე განსაზღვრავს თქვენს კმაყოფილებას და დამოკიდებულებას კომპანიის მიმართ.
პროდუქტების მრავალფეროვნება - ესეც კომპანიის სიდიდეზე, მონდომებასა და გამოცდილებაზე მიუთითებს.
კარგი პროვაიდერი კლინიკები - ჯანმრთელობის დაზღვევისთვის ეს მნიშვნელოვანია, რადგან სწორედ პროვაიდერი კლინიკების ხელშია თქვენი ჯანმრთელობის პრობლემების სწრაფად და ეფექტურად მოგვარება.
მომსახურება - ანაზღაურების მიღება მნიშვნელოვანია, მაგრამ ბევრად უფრო მნიშვნელოვანია როგორი დამოკიდებულებითა და განწყობით მოგემსახურებიან. შეგიძლიათ ჯანმრთელობის ან ავტმობილის დაზღვევის შეძენამდე, სამოგზაურო დაზღვევა შეიძინოთ და მომსახურების დეტალებიც უკეთ გაარკვიოთ.

ეს ნაბიჯები დაგეხმარებათ სადაზღვევო კომპანიის სწორად შერჩევაში. მართალია, საწყის ეტაპზე შესაძლოა მოკვლევამ დიდი დრო წაგართვათ, მაგრამ საბოლოო შედეგით კმაყოფილი დარჩებით.