საქართველოს უმაღლეს საკანონმდებლო ორგანოში „მინისტრის საათის“ ფარგლებში თავდაცვის მინისტრს ლევან იზორიას უსმენენ. სხდომაზე იზორია მოხსენებით გამოდის, თავდაცვის სამინისტროდან პროტესტის ნიშნად წასული მფრინავი ქალი კი სხდომაზე არ შეუშვეს. ეკატერინე ქვლივიძე სასესიო დარბაზში პარლამენტის თავმჯდომარის გადაწყვეტილებით ვერ მოხვდა.

როგორც ეკა ქვლივიძე აცხადებს, მან არაერთხელ სცადა თავდაცვის მინისტრთან კომუნიკაცია და სურდა, რომ მისი პრობლემების შესახებ პირადად ეთქვა, თუმცა მინისტრი ამ საკითხით არ დაინტერესდა.

„დღეს, უბრალოდ, მინდოდა მინისტრის მოსმენა. მაინტერესებდა, რას იტყოდა და რა გეგმები აქვს თავდაცვის სამინისტროს მომავალში, თუმცა ამის საშუალება არ მომეცა. გავაგრძელებ საკუთარი უფლებების დაცვას ყველანაირი სამართლებრივი წესით“, – აცხადებს ეკა ქვლივიძე.