ფილარმონიის შენობის ირგვლივ მიმდინარე მოვლენები - საკითხს დღეს „ინტერნეშენელ ივენთსის“ დირექტორი გამოეხმაურა. გიორგი კერესელიძის თქმით, მისი კომპანიისა და თბილისის სიმფონიური ორკესტრის თანაცხოვრება ტექნიკურად შეუძლებელია.

„ის ფაქტი, რომ ეს არის ისტორიულად ორკესტრის სახლი და ჩვენ ამ სახლში არ ვაბრუნებთ, ესაც ძალიან გადამეტებული და ხშირ შემთხვევაში, მართლაც სპეკულაციური განცხადებებია. აქ თუ ჩვენ 150-კაციან კოლექტივს მუდმივად მივიღებთ, პრაქტიკულად სხვა კონცერტის ჩასატარებელი ადგილი და დღე არ გვრჩება იმიტომ, რომ ჯერ ერთი, არ გვაქვს სარეპეტიციო ფართი, სადაც ამდენ ადამიანს განვალაგებთ,“ - აცხადებს გიორგი კერესელიძე.

შეგახსენებთ, რომ სიმფონიური ორკესტრი ფილარმონიაში განთავსებას ითხოვს.