შრომითი უფლებების დაცვის მოთხოვნით მიმდინარე აქციის მონაწილეებმა ​თბილისის მერის, კახა კალაძის სახლის მიმდებარე ტერიტორია დატოვეს და ვაკის პოლიციასთან გადაინაცვლეს, სადაც აქციაზე დაკავებული ექვსი პირია გადაყვანილი.

აქციის მონაწილეები სოლიდრობას უცხადებენ დაკავებულ პირებს და მათ გათავისუფლებას ითხოვენ.

აქციის ერ-ერთი მონაწილის განცხადებით,დღევანდელი მსვლელობა პოლიციის შენობასთან უახლოეს საათებში დაიშლება თუმცა, ეს არ იქნება ერთჯერადი და საპროტესტო აქციები მომდევნო დღეებშიც გაგრძელდება.

შრომითი უფლებების დაცვის მოთხოვნით აქცია დღეს ჭავჭავაძის გამზირზე დღეს გაიმართა. აქციაზე ვითარება მას შემდეგ დაიძაბა, რაც დემონსტრანტებმა გზის მეორე ნაწილის გადაკეტვაც სცადეს, რისი უფლებაც სამართალდამცველებმა არ მისცეს. ამის შემდეგ აქციის მონაწილეებმა იმ შენობის ფასადი დააზიანეს, სადაც გუშინ სამშენებლო სამუშაოებისას მიწის ჩამოშლას ორი მუშა ემსხვერპლა.