ადგილობრივი არჩევნები თურქეთში - ერდოღანის პარტია პოზიციებს კარგავს

მსოფლიო - 11:59, 01 Apr, 2019

1358

თურქეთში ადგილობრივი თვითმმართველობის არჩევნების შედეგების თანახმად ამომრჩეველთა 51.67%-მა (23.7 მლნ-ზე მეტი) სახალხო ალიანსს დაუჭირა მხარი, რომლის შემადგენლობაშიც შედიან მმართველი „სამართლიანობისა და განვითარების პარტია“ და „ეროვნული მოძრაობის პარტია“. 37.53%-ი მიიღო ეროვნულმა ალიანსმა, რომლის შემადგენლობაშიც შედის მთავარი ოპოზიცია „რესპუბლიკური სახალხო პარტია“ და „კარგი პარტია“

თურქეთის მოქალაქეებმა „დიდი ქალაქის მერები“, „ქალაქის მერები“, „მუნიციპალური საბჭოს წევრები“ და „სოფლებისა და უბნების გამგებლები და უხუცესთა საბჭოს წევრები“ აირჩიეს.

თურქეთის სამი მთავარი ქალაქიდან 2-ში ამ დროის მონაცემებით ოპოზიციის კანდიდატმა გაიმარჯვა. ქვეყნის დედაქალაქში, ანკარაში 50.9%-ით „რესპუბლიკური სახალხო პარტიის“ კანდიდატი მანსურ იავაშმა გაიმარჯვა. სტამბოლში სადაც ხმების 98%-ია დათვლილი, მცირე სხვაობით იგებს მმართველი პარტიის კანდიდატი ბინალი იილდირიმი მას 48.7% აქვს, რესპუბლიკური სახალხო პარტიის კანდიდატს ერკემ იმამოღლუს კი 48.65%. ქალაქ იზმირში ასევე ოპოზიციის კანდიდატმა მუსტაფა ტუნჩ სოიერმა მოიპოვა გამარჯვება 58.02%-ით. ასევე ოპოზიციის კანდიდატებმა გაიმარჯვეს საქართველოს საზღვრის მიმდებარე ართვინისა და არდანის პროვინციებში და ხმელთაშუაზღვისპირა პროვინციებში