ადამიანის ეგოისტური მიდრეკილებები, როგორც წესი ყველაზე უკეთ პარტნიორული ურთიერთობებისას ვლინდება. ასტროლოგების ვარაუდით, სიყვარულში ეგოიზმის დიდ დოზას ვერძი, ტყუპები და მშვილდოსანი აჩვენებენ.

ვერძი –ორივე სქესის ვერძი ეგოიზმის მაღალი დონით გამოირჩევა. თუმცა, მათი ხასიათის კიდევ ერთი თვისება ბავშვურობა და სიალალე ხშირად ხდება მიზეზი იმისა, რომ ვერძს ამ დანაშაულს პატიობენ გარშემო მყოფები. ვერძი ვერ იტანს შეზღუდვებს და ქორწინებაში მყოფიც კი თავს “თავისუფალ” ადამიანად აღიქვამს. ამიტომ მეუღლის მხრიდან ნებისმიერ ზეწოლასა და მით უმეტეს მოთხოვნას კომპრომისისა და დათმობების შესახებ, ვერძი მძაფრი პროტესტის გრძნობით და აგრესიით ხვდება.

ტყუპები – ტყუპი ჰაერის ნიშანია. ზოდიაქო ამ ნიშნით დაბადებულ ხალხს ყველაზე მეტად შეეფერება ეპითეტი “თავქარიანი”. ტყუპს ძალიან არ უყვარს პასუხისმგებლობები და ყოველთვის ცდილობს თავი დაიძვრინოს ამა თუ იმ ვალდებულებისგან. ოჯახი ტყუპისთვის მისი ტრადიციული გაგებით, მოსაწყენი და ერთფეროვანი რუტინაა. ამიტომ იგი სინდისის ქენჯნის გარეშე ეძებს ხოლმე ძალზე ხშირად გასართობს და გულის გადასაყოლებელს სადმე გარეთ.

მშვილდოსანი – ზოდიაქოს ამ ნიშანს ცუდი განზრახვა არც ერთი სასიყვარულო ურთიერთობის დაწყებისას არ გააჩნია. მაგრამ მას უყვარს თავისუფლება, სწორედ ამის გამო უფრო სერიოზულ ურთიერთობებს გაურბის და მზადაა ამისთვის “ეგოისტის” იარლიყიც ამაყად ატაროს.