უკრაინაში ხვალ საპრეზიდენტო არჩევნები გაიმართება. არცევნებში მონაწილეობას 39 კანდიდატი იღებს. უკრაინის მოსახლეობა პრეზიდენტს ხუთწლიანი ვადით აირჩევს.

საპრეზიდენტო არჩევნების პირველ ტურში გასამარჯვებლად კანდიდატმა 50% პლუს ერთი ხმა უნდა მიიღოს. იმ შემთხვევაში თუ ვერც ერთი კანდიდატი პირველ ტურში გასამარჯვებლად ხმების საჭირო რაოდენობას ვერ მიიღებს, საპრეზიდენტო არჩევნების მეორე ტური ორი კვირის განმავლობაში გაიმართება.

წინასაარჩევნო გამოკითხვების შედეგების თანახმად, საპრეზიდენტო არჩევნების ფავორიტად ცნობილი მსახიობი და კომიკოსი ვლადიმერ ზელენსკი ითვლება. მისი რეიტინგი 28%-ს შეადგენს. მოქმედი პრეზიდენტის პეტრო პოროშენკოს რეიტინგი 18%-ს შეადგენს, ხოლო პარტია „ბატკივშინას“ ლიდერის იულია ტიმოშენკოს რეიტინგი კი 17%-ია.