გახდა თუ არა 60 წლის ქალის გარდაცვალების მიზეზი ძალადობა - ხონის ფსიქიატრიულ კლინიკაში ბრალდებებს უარყოფენ

საზოგადოება - 21:23, 29 Mar, 2019

1085

ხონის ფსიქიატრიულ კლინიკაში პაციენტზე ძალადობას უარყოფენ. სამედიცინო დაწესებულების წამომადგენლები ამტკიცებენ, რომ პაციენტს ეპილეფსიური შეტევები აწუხებდა და დაზიანებები, რომელიც მას აღენიშნებოდა ერთ-ერთი ასეთი შეტევის დროს მიიღო.

„აღნიშნული ბენეფიციარი საწოლიდან წამოდგომის დროს წაიქცა, შემდეგ მორიგე ექიმისგან გამოძახებული იქნა კატასტროფის ბრიგადა და გადაყვანილი იქნა ქუთაისში, ჰოსპიტალ სერვისში. კატეგორიულად გამოვრიცხავ რაიმე სახის ძალადობას ფაქტს ჩვენი ცენტრის მედპერსონალის მხრიდან.“- განაცხადა კლინიკური ჯანმრთელობის ცენტრის ნებაყოფლობითი მკურნალობის დეპარტამენტის ხელმძღვანელი მარიამ გიორგაძემ.

60 წლის ქალი საავადმყოფოში დღეს გარდაიცვალა, გარდაცვლილის ოჯახი მის ცემაში ხონის ფსიქიატრიული კლინიკის ექიმებს ადანაშაულებს. ისინი ვარაუდობენ, რომ ქეთევან ბიგვავა ძალადობის მსხვერპლი რამდენჯერ გახდა. გარდაცვლილის დის განცხადებით, ფსიქიატრიული კლინიკის წარმომადგენლები მას პაციენტის მდგომარეობის შესახებ ინფორმაციას არ აწვდიდნენ და აცხადებდნენ, რომ მისი მდგომარეობა უმჯობესდებოდა, ის რომ მისი და მძიმე მდგომარეობაში იყო, მან მხოლოდ 2 დღის წინ გაიგო.

60 წლის ქალი ქუთაისის საავადმყოფოში კრიტიკულ მდგომარეობაში 2 კვირის წინ შეიყვანეს. მას სახესა და სხეულზე სისხლჩაქცევები, მრავლობითი დაზიანება, ჭრილობები აღენიშნებოდა, ასევე მოტეხილი ჰქონდა ხელი.