ფილარმონიის საკონცერტო დარბაზი - სახელმწიფო ეროვნული სიმფონიური ორკესტრის ხელმძღვანელი ნიკა რაჭველი ითხოვს, რომ დარბაზი ორკესტსრ გადაეცეს. რაჭველის განცხადებით, სახელმწიფოს აქვს ვალდებულება ეროვნული სიმფონიური ორკესტრის წინაშე, რომ მას ჰქონდეს თავისი დარბაზი. რაჭველის მოთხოვნას მიხეილ გიორგაძე გამოეხმაურა და განაცხადა, რომ რაჭველს „გიგანტომანია“ დაემართა.

ნიკა რაჭველის განცხადებით, მიხეილ გიორგაძე ვალდებულია, დადგეს ეროვნული სიმფონიური ორკესტრის და იმ იდეების გვერდით, რომელსაც ჩვენ ვემსახურებით. აღნიშნული კომენტარი რაჭველმა „პალიტრანიუსის“ გადაცემაში გააკეთა.

„მე არ მინდა ამ მთელს ისტორიაში ვიღაცაზე და მით უმეტეს მიხეილ გიორგაძეზე რამე ნეგატიური ვთქვა, ვინაიდან მე მას პატივს ვცემ, , მაქვს პირადი ურთიერთობა. ერთი რამის თქმა შემიძლია, რომ ის, როგორც კულტურის ყოფილი მინისტრი და დღეს უკვე განათლების, მეცნიერების, კულტურისა და სპორტის მინისტრის მოადგილე, ვალდებულია დადგეს ეროვნული სიმფონიური ორკესტრის , ჩვენი სახელმწიფო მუსიკალური ცენტრის და იმ იდეების გვერდით , რომელსაც ჩვენ ვემსახურებით. ალბათ, ყველა ვინც გვიყურებს ზუსტად იციან და ალბათ, ბატონმა მიხეილმაც, ვინ ვართ, რას ვაკეთებდით , რას ვაკეთებთ და რისი გაკეთება შეგვიძლია“,-განაცხადა ნიკოლოზ რაჭველმა.