ხაშურში, ყოფილი ქმრის მიერ 33 წლის ქალის დაჭრასთან დაკავშირებით დამატებითი დეტალები ხდება ცნობილი. თვითმხილველების თქმით, გუშინ ახალგზარდა ქალის ყოფილი ქმარი მის სამუშაო ადგილზე - სილამაზის სალონში, მივიდა და ის სასაუბროდ გაიყვანა, რა დროსაც ბასრი საგნით ჭრილობები მუცლის არეში მიაყენა.

„ორი კვირა არ იქნებოდა, რაც დაცილებულები იყვნენ, თუმცა ეს ბიჭი მოდიოდა ჩვეულებრივად და სთხოვდა შერიგებას, მაგრამ წინააღმდეგი იყო ეს გოგო. მერე არანაირი ზედმეტი, ხმამაღალი საუბარი არ ყოფილა მაგათ შორის, უბრალოდ ბოლო ოთახში შეიყვანა და იქიდან უკვე ყვირილის ხმა, რომ გავიგეთ, ვეღარ ვუშველეთ. მაგ ბიჭისთვის ჩხუბს მიზეზი არ ჰქონდა. ბოლო ორი დღის განმავლობაში ხშირად შემოდიოდა სალონში. ხუთი ჭრილობაც აქვს და მეტიც. თავის ფეხით გავიყვანეთ. მე თვითონ მოვკიდე ხელი და გავიყვანე, გავიქეცით საავადმყოფოში. ხელი, რომ მოვკიდე უკვე და მოვითრიე ჩემკენ ეს გოგონა, ბიჭიც გავარდა უკვე... კამერები არ გვაქვს, მხოლოდ გარეთ არის ტოტალიზატორის კამერა და იქ ჩანს ყველაფერი, გაერთ გასვლის მომენტი.“ - ამბობს თვითმხილველი.