სოციალური მუშაკები აქციებს მთელი საქართველოს მასშტაბით მართავენ. ისინი საკუთარ სამუშაო პირობებს ძალადობრივსა და დანაშაულებრივს უწოდებენ. თბილისში, მტავრობის ადმინისტრაციასთან შეკრებილებს, რეგიონებიდან ჩამოსული სოციალური მუშაკებიც შეუერთდნენ. სოციალური მომსახურების სააგენტო ფაქტიურად პარალიზებულია. სოციალური მუშაკები სამუშაო პირობებს გაუმჯობესებას ითხოვენ.

სოციალური მუშაკები მესამე სექტორს მოუწოდებენ შეუერთდნენ მათ აქციას. მათ სოლიდარობას საია უცხადებს. სულხან სალაძის განცხადებით, აქციის მონაწილეების მოთხოვნები ლეგიტიმურია:

„ყველა წესის დაცვით გაიარეს ის ეტაპები რომელიც შეიძლება იყოს დაკავშირებული გაფიცვასთან. ამის მიუხედავად იყო შემთხვევები როდესაც ერთგვარი ზეწოლის ფაქტები შეიძლება ყოფილიყო მათ არ შეეწყვიტათ მუშაობა, არ ყოფილიყო გაფიცვა. ჩვენ მოვუწოდებთ ჯანდაცვის სამინისტროს პირველ რიგში რომ უზრუნველყოს იმ უფლებით სარგებლობა რომელიც გარანტირებულია კანონით,“-განაცხადა სულხან სალაძემ.

სოციალურ მუშაკებს სოლიდარობას უცხადებს ფონდი ”ღია საზოგადოება საქართველოს” აღმასრულებელი დირექტორიც.

„სრულიად საგანგაშოა ის შრომის პირობები რომელშიც მათ უწევთ მუშაობა. ერთი მხრივ გადატვირთული გრაფიკი. დაბალი ხელფასი, უსაფრთხოება რომელიც არ არის დაცული. აშკარაა , რომ რამდენიმე ასეულ სოციალურ მუშაკს უწევს ძალიან დიდ პრობლემებთან გამკლავება. მათი მოვალეობები ბოლო წლებში გაიზარდა მაგრამ არანაირად არ გაუმჯობესებულა შრომის პირობები. სწორედ იმიტომ, რომ ისინი დღეს გაფიცვას იწყებენ სრულად გამართლებულია და მისასალმებელიც,“-განაცხადა ქეთევან ხუციშვილმა.