3 წლის ბიჭუნა გაქცევას ცდილობდა და ამ დროს ესროლეს - ახალი ზელანდიის ტერაქტების ყველაზე პატარა მსხვერპლი

მსოფლიო - 16:34, 16 Mar, 2019

2598

ახალ ზელანდიაში მეჩეთებზე განხორციელებული თავდასხმების მსხვერპლთა შორის 3 წლის მუქაად იბრაჰიმია, რომელიც მამასთან და უფროს ძმასთან აბდისთან ერთად მეჩეთში სალოცავად იყო მისული.

იბრაჰიმების ოჯახის მეგობარი აცხადებს, რომ შეშინებული ბიჭუნა ტერორისტისგან გაქცევას ცდილობდა, როდესაც მას ტყვია მოხვდა, ხოლო მისმა მამამ და ძმამ თავი მოიმკვდარუნეს და გადარჩნენ. მძმედ დაჭრილმა მუქაადმა პარასკევს მამის ხელებზე დალია სული.

"ჩვენ ვეკუთვნით ღმერთს და მას ვუბრუნდებით... მენატრები ძვირფასო ძმაო," - დაწერა ფეისბუქგვერდზე აბდი იბრაჰიმმა.

ახალი ზელანდიის ქალაქ ქრაისთჩერჩის ორ მეჩეთში თავდასხმის შედეგად დაღუპულთა რიცხვი 50-მდე გაიზარდა. საავადმყოფოში საუდის არაბეთის მოქალაქე გარდაიცვალა, რომელიც მეჩეთში მომხდარი სროლისას მძიმედ დაიჭრა.

მომხდარის ფონზე ახალი ზელანდიის ხელისუფლება იარაღზე კონტროლის გასამკაცრებლად საკანონმდებლო ცვლილებებზე იწყებს მუშაობას.

გამოძიებას, მეჩეთებზე თავდასხმის გამო, სამი ეჭვმიტანილი ჰყავს დაკავებული. ერთ-ერთი მათგანი უკვე სასამართლოს წინაშე წარდსგა.

28 წლის ბრეტონ ტარანტს, რომელიც თავდასხმას ონლაინ რეჟიმში გადასცემდა, მკვლელობის ბრალი წარუდგინეს. ის 5 აპრილამდე წინასწარი პატიმრობაში დარჩება.

გამოძიება ცდილობს, დაადგინოს, ჰქონდა თუ არა კავშირი ავსტრალიელ ახალგაზრდას ტერორისტულ დაჯგუფებებთან.

თურქეთის სპეცსამსახურების ცნობით, ის ცოტა ხნის წინ თურქეთში იმყოფებოდა.

ახალი ზელანდიისა და მსოფლიო პრესაში უკვე ქვეყნდება დაღუპულთა ვინაობა და ფოტოები. მათ შორის 71 წლის დაუდ ჰაჯი ნაბიცაა, რომელმაც ერთერთი პირველი მუსულმანი იყო, რომელმაც ქრაისთჩერჩში, ტუამის ქუჩაზე მეჩთი გახსნა.