ემიგრანტი თევზი - რუსების მიერ გამოყვანილი ზუთხი უკრაინაში მიცურავს

მსოფლიო - 14:09, 15 Mar, 2019

4712

მედიაში გავრცელებული ინფორმაციის თანახმად, რუსეთში, საბიუჯეტო სახსრებით გამოყვანილი ზუთხის სხვადასხვა სახეობის თევზები უკრაინაში მიცურავენ და მათ ადგილობრივი მეთევზეები იჭერენ. ეს ფაქტი უკვე გახდა ორ ქვეყანას შორის მორიგი კამათის საგანი.

ამავე ინფორმაციით, ამ მოვლენის გამო, რუსეთი ცდილობს შემაციროს ზუთხისებრთა თევზების ლიფსიტების როდენობა, რომლებსაც სათევზე მეურნეობები მდინარე დონში უშვებენ. დონში გაშვებული თევზები აზოვის ზღვაში ხვდებიან.

უკრაინის მხარე ამ ინფორმაციას მორიგ პროვოკაციას უწოდებს და აცხადებს, რომ საუკუნეების მანძილზე აზოვის ზღვაში არსებულ ზუთხისებრთა ოჯახის თევზების გამრავლების ადგილი ძირითადად მდინარეები ყუბანი და დონი იყო. მას შმდეგ, რაც საბჭოთა კავშირის დროს ამ მდინერეებზე ჰიდროელექტროსადგურები აიგო, თევზების რაოდენობა მკვეთრად შემცირდა. კომპენსაციის მიზნით, მდინარეების ქვედა წელში 8 სათევზე მეურნეობა აშენდა, რომლებიც ამჟამად რუსეთის ტერიტორიაზეა. შესაბამისად რუსეთია პასუხისმგებელი აზოვის ზღვაში ზუთხისებრთა რაოდენობის შენარჩუნებაზე.

ამასთან ორივე ქვეყანაში აზოვის ზუთხის დაჭერა აკრძალულია - რუსეთმა მასზე მორატორიუმი დააწესა, ხოლო უკრაინაში ის წითელ წიგნშია შეყვანილი და ბრაკონიერი 50 ათასი გრივნით დაჯარიმდება. უფრო დიდია ჯარიმა სვიას (Белуга) დაჭერაზე - 100 000 გრივნი.

შესაბამისად უკრაინული მხარე უსაფუძვლოდ თვლის რუსეთის ბრალდებას და აცხადებს, რომ უკრაინაში არც აზოვის ზღვაში და არც მდინარე დნეპრზე ზუთხისებრთა სამრეწვწლო დაჭერა არ ხდება, ხოლო თუ ამას ბრაკონიერები აკეთბენ აზოვის ზღვაში, მათი თქმით, დამნაშავეს ეროვნება არ გააჩნია და უკრაინა თანაბრად დასჯის აზოვის ზღვაში მოქმედ ბრაკონიერს, რუსსაც და უკრაინელსაც.