თბილისში დაზღვევის საერთაშორისო კონფერენცია ხვალ ჩატარდება

საზოგადოება - 17:20, 13 Mar, 2019

713

14 მარტს, 09:00 საათზე, თბილისში, „რესპუბლიკას“ საკონფერენციო დარბაზში (პირველი რესპუბლიკის მოედანი №6) დაზღვევის საერთაშორისო კონფერენცია გაიხსნება.

ღონისძიებაზე ქართული და საერთაშორისო სადაზღვევო კომპანიების პირველი პირები საქართველოს სადაზღვევო სისტემაში არსებულ გამოწვევებზე, მიმდინარე სიახლეებზე, ბაზრის ზრდაზე, ინვესტიციების მოზიდვასა და სადაზღვევო სისტემაში სხვადასხვა საერთაშორისო ქვეყნის გამოცდილებაზე ისაუბრებენ .

კომპანიის მთავარი თემა ავტომფლობელთა სამოქალაქო პასუხისმგებლობის სავალდებულო დაზღვევა იქნება.

კონფერენციას პარლამენტის საფინანსო-საბიუჯეტო კომიტეტის ხელმძღვანელი, ირაკლი კოვზანაძე და დაზღვევის სახელმწიფო ზედამხედველობის სამსახურის უფროსი, დავით ონოფრიშვილი გახსნიან. ღონისძიებას, სადაზღვევო კომპანიების ხელმძღვანელებთან ერთად, საქართველოს პარლამენტისა და მთავრობის წევრები დაესწრებიან.

კონფერენციაზე სიტყვით გამოვლენ სადაზღვევო კომპანიათა ასოციაციის გამგეობის თავმჯდომარე დევი ხეჩინაშვილი, ზედამხედველობისა და სავალდებულო დაზღვევის ბიუროების ხელმძღვანელები ევროკავშირიდან და აღმოსავლეთი ევროპის 8 ქვეყნიდან. გაეცანით, დაზღვევის საერთაშორისო კონფერენციის შესახებ დეტალურ ინფორმაციას: www.xprimmevents.com