დაპირისპირება „ჯორჯიან ეარვეისსა“ და „ტავ ჯორჯიას“ შორის - „ჯორჯიან ეარვეისი“ ხელისუფლებას მოუწოდებს გაასაჯაროვოს ის ხელშეკრულება, რომელიც სახელმწიფო აეროპორტების მმართველ თურქულ კომპანიას გაუფორმა. „ჯორჯიან ეარვეისის“ განცხადებით, ხელისუფლება კომპანიებს კაბალურ გადასახდებს უწესებს:

”ჯორჯიან ეარვეისის” დირექტორთა საბჭოს თავმჯდომარე თამაზ გაიაშვილი აცხადებს, რომ სწორედ ამის გამო მის კომპანიას დაუგროვდა 9 მილიონი დავალიანება, რომლის გადახდასაც არ აპირებს.

თამაზ გაიაშვილს ითხოვს გასაჯაროვდეს თუ რა რაოდენობის ინვესტიცია განახორციელა თავად ტავ ჯორჯიამ:

„არიან თავს გასულები. საქართველოს მთავრობა აფინანსებს უცხო კომპანიას საკუთარი ავიაკომპანიის საზიდად. მე შარშან, რომ გავხსენი ეს ათი მიმართულება ერთი თვის შემდეგ იგივე მიმართულებაზე დასვა ქუთაისიდან სხვა ავიაკომპანია. გაასაჯაროვონ ის ხელშეკრულება არც აქვთ „ტავ ჯორჯიასთან“ დადებული. მეორე შეიქმნას სამთავრობო კომისია შემსწავლელი თუ რა თანხებია ინვესტირებული თურქების მიერ. 9 მილიონს მე განვუცხადე „ტავ ჯორჯიას“ რომ არ იქნება გადახდილი,“-განაცხადა თამაზ გაიაშვილმა.