ფულის გამოძალვის მცდელობა და სასტიკად ნაცემი ჯარისკაცი - 19 წლის ბიჭი საავადმყოფოში გადაიყვანეს

საზოგადოება - 18:15, 11 Mar, 2019

2190

კრწანისის სასწავლო ცენტრში ნაცემი ახალგაზრდა საავადმყოფოშია გადაიყვანილი.

„ნაჟღენთი აქვს პრეორბიტალური, თვალბუდის არეში, ჩივილები მსუბუქი თავის ტკივილი და გულისრევის შეგრძნება. სავარაუდოდ, თავის ტვინის შერყევაც არ არის. კომპიუტერი გაუკეთდება, საბოლო დიაგნოზი იქნება კვლევების შემდეგ,“ - განაცხადა ჯარისკაცის მკურნალმა ექიმმა.

საავადმყოფოში თავდაცვის სამინისტროს წარმომადგენლებიც მივიდნენ, რასაც დაშავებულის ოჯახის უკმაყოფილება მოჰყვა.

ქაზიმ გახრამანოვის ძმა, ფუად გახრამანოვი ამბობს, რომ ოჯახს მისი ძმა დილით დაუკავშირდა, მისულებს კი ის ნაცემი დახვდათ.

„როდესაც მივიდა მამაჩემი, ჩემი ძმა სასტიკად ნაცემი დახვდა. მოუყვა, რომ უფროსმა ჯარისკაცებმა ერთ-ერთ ოთახში შეიყვანეს და ფული მოსთხოვეს, მერე ცემა დაუწყეს, ამას სერჟანტიც ესწრებოდა, იდგა და სეირს უყურებდა. ეს ამ სამხედრო ნაწილში უკვე მეორე შემთხვევაა, რატომ არ აქცევს არავინ ყურადღებას ამ უსამართლობას და ძალადობას,“ - ამბობს ფუად გახრამანოვი.

ქაზიმ გახრამანოვი ჯარისკაცებს ფიზიკურ ძალადობაში ადანაშაულებს. მისი თქმით, ფულს სძალავდნენ და როცა უარი თქვა, ფიზიკურად გასუწორდნენ.

მომხდარზე გამოძიება უკვე დაწყებულია.