ქალიშვილის წინდაცვეთის გამო დედას ბრიტანეთში 11 წელი მიუსაჯეს

მსოფლიო - 14:03, 10 Mar, 2019

2465

ლონდონის სასამართლომ 37 წლის უგანდელ ქალს, რომელმაც თავის 3 წლის ქალიშვილს წინდაცვეთა გაუკეთა, 11 წლით თავისუფლების აღკვეთა შეუფარდა.

ქალმა ასევე აღიარა, რომ ინახავდა არასრულწლოვნების უხამს ფოტოებს და პორნოგრაფიას, რის გამოც სასჯელი 2 წლით გაუხანგრძლივდა.

გოგოს 43 წლის განელ მამას „წინდაცვეთის“ საქმეში ბრალდება მოუხსნეს, მაგრამ ფოტოების შენახვის გამო 11 თვით პატიმრობა მიუსაჯეს, რომელიც დაკავების შემდეგ უკვე მოხდილი აქვს.

ინციდენტი 2017 წლის აგვისტოში მოხდა. ბრალდებულმა თავიდან თქვა, რომ გოგონა კარადიდან ჩამოვარდა სასქესო ორგანო კარადის რკინის სახელურმა დაუზიანა, მაგრამ ექსპერტებმა სხვა დასკვნა გამოიტანეს. "წინადაცვეთის ფაქტს" თავიოდან ბავშვის უარობდა, მაგრამ შემდეგ სოცმუშაკებს უამბო, რომ „ჯადოქარმა წინდაცვეთა გაუკეთა“.

2017 წლის ნოემბერში პოლიციელებმა ჩხრეკის დროს ქალის სახლში იპოვეს ნივთები, რომლითაც სრულდებოდა „ჯადოქრული რიტუალები“. მაცივარში ინახებოდა ძროხის ორი ენა, რომელიც გადაბმული იყო ბაწრით და მასში ჩარჭობილი იყო სხვადასხვა მჭრელი ნივთი. პოლიციამ იპოვა ლიმნები, რომლებშიც შელოცვების ჩანაწერები იყო. მათზე გამომძიებლების და სოცმუშაკების სახელები ეწერა. ერთ-ერთი გამომძიებლის ფოტო უნიტაზის უკან იპოვეს.

დიდ ბრიტანეთში „ქალური წინდაცვეთა“ 1985 წლის შემდეგ სისხლის სამართლის მუხლით ისჯება.