მოსკოვის აეროპორტ "შერემეტევოში" ამერიკის საელჩოს თანამშრომელს, რომელიც ნიუ-იორკში მიფრინავდა, ბარგში ნაღმი აღმოუჩინეს. ამის შესახებ ინფორმაციას რუსეთის საგარეო უწყების პრესსამსახური ავრცელებს.

ადგილზე მოსულმა ექსპერტებმა დაასკვნეს, რომ ნაღმი ნამდვილი იყო, თუმცა მაში ასაფეთქებელი ნივთიერება არ აღმოჩნდა. რუსეთის საგარეო საქმეთა სამინისტროს ინფორმაციით, ამერიკელი აცხადებს, რომ მან ცარიელი ნაღმი კოლექციისთვის შეიძინა.

საელჩოს თანამშრომელი სამშობლოში შემდეგი რეისით გაფრინდა, თუმცა, საკოლექციო ნაღმი თან არ გაატანეს.

აშშ-ის საელჩო ჯერჯერობით განმარტებას არ აკეთებს.