აშშ-ის სამხედრო-საჰაერო ძალების მეთაური, რომელიც შესაძლოა პენტაგონის პირველი ქალი-ხელმძღვანელი გამხდარიყო, გადადგა

მსოფლიო - 16:21, 09 Mar, 2019

1250

8 მარტს, აშშ-ის სამხედრო-საჰაერო ძალების ხელმძღვანელი ჰიზერ უილსონი თანამდებობიდან გადადგა. მისი გადადგომის მიზეზი ტრამპთან უთანხმოებაა. ეს უკვე მეორე შემთხვევაა, როდესაც ამერიკის სამხედრო უწყების მაღალჩინოსნები საკუთარი ნებით ტოვებენ თნამდებობას - შეგახსენებთ, რომ 2018 წლის დეკემბერშ თანამდებობა თავდაცვის მინისტრმა ჯეიმს მატისმა დატოვა.

ამერიკელი ექსპერტები სწორედ უილსონს მოიაზრებდნენ მატისი შემცვლელად თავდაცვის მინისტრის პოსტზე, რის შედეგადაც იგი პირველი ქალი-თავდაცვის მინისტრი იქნებოდა აშშ-ის ისტორიაში.

უილსონი, ისევე როგორც მატისი უკმაყოფილო იყო ტრამპის ადმინისტრაციის მიერ რუსეთის წინააღმდეგ წარმოებული არც თუ ისე მკაცრი პოლიტიკის გამო. ამასთან მან გასულ წელს აშშ-ის კოსმოსური ძალების" შექმნის იდეა გააპროტესტა, რასაც ამ სპეციალური ქვედანაყოფის სამხედრო-საჰაერო ძალებისადმი დაქვემდებარება გამოიწვია.

ტრამპმა უილსონის გადადგომა უკვე დაამტკიცა, მადლობა გადაუხადა და საუნივერსიტეტო პედაგოგიურ საქმინობაში წარმატებები უსურვა.

რაც შეეხება თავდაცვის მინისტრის პოსტს, უილსონის წასვლის შემდეგ ამ თანამდებობას პატრიკ შანახანს უწინასწარმეტყველებენ, რომელიც ამჟამად მინისტრის მოვალეობის შემსრულებელია.