"კარგი ცხოვრება გვაქვს და იმიტომ" - "ლიბერთი ბანკის" ყაჩაღობისთვის დაკავებული შსს-ს თანამშრომლის ოჯახმა ჟურნალისტებს ქვები დაუშინა

საზოგადოება - 15:04, 07 Mar, 2019

6909

"ნიუპოსტმა" ზუგდიდში "ლიბერთი ბანკის" ყაჩაღობში ბრალდებული, შს თანამშრომლის, ომარ ხუხუას ფოტო მოიპოვა.
ჟურნალისტები სოფელ ჭითაწყარში, ბრალდებულის საცხოვრებელ სახლში იმყოფებოდნენ, თუმცა ომარ ხუხუას ოჯახის წევრები კომენტარს არ აკეთებენ. სოფელ ჭითაწყარში, სადაც დაკავებული ოჯახთან ერთად ცხოვრობს, ჟურნალისტების გამოჩენას უკაყოფილება მოჰყვა.

ხუხუას ოჯახის წევრებმა მედიის წარმომადგენლებს ქვები დაუშინეს დედამ კი ჟურმალისტების კითხვაზე, რა იყო ყაჩაღობის მოტივი თქვა: "კარგი ცხოვრება გვაქვს და იმიტომ".

როგორც "ნიუპოსტმა" გაარკვია, ხუხუა ომის ვეტერანია და მას ეს საბუთი, საპრეზიდენტო არჩევნების წინ გაუკეთდა.

ადგილობრივები გვიყვებიან, რომ სამართალდამცავს მჭიდრო კავშირი აქვს "ტყვის ძმების" მეთაურთან, დათო შენგელიასთანაც.

"ნიუპოსტის" წყარო, ძალოვანი უწყებიდან აცხადებს, რომ საქმეზე დაკავებულებისგან ამოიღეს რუსული წარმოების იარეაღი "აკაელი".

ჩვენი ინფორმაციით, არ არის გამორიცხული, რომ დამნაშავეთა რაოდენობა გაიზარდოს. რაც შეეხება ინკასაციის ავტომობილიდან გატაცებულ თანხას, "ნიუპოსტის" ინფორმაციით, სამართალდამცავებმა თანხა სრულად ამოიღეს.

შინაგან სამეთა სამინისროს ოფიციალური ინფორმაციით, დაკავებულები არიან 1980 წელს დაბადებული გ.ჯ. და 1964 წელს დაბადებული ო.ხ. ომარ ხუხუა შსს-ს მოქმედი თანამშრომელია, რაც "ნიუპოსტს" გახარიას უწყებაში ოფიციალურად დაუდასტურეს.
რაც შეეხება მეორე დაკავებულს, ჩვენი ინფორმაციით, დაკავებულია 39 წლის გელა ჯიქია.