ამის შესახებ „ამერიკის ხმა“ იტყობინება ვლადიმირ პუტინის პასუხზე დაყრდნობით, რომელიც მან ჟურნალისტს გასცა, როცა ის დაინტერესდა, აპირებს თუ არა ვლადიმირ პუტინი კენჭისყრას 2018 წლის საპრეზიდენტო არჩევნებზე. 

„არ გამოვრიცხავ“, – განაცხადა რუსეთის პრეზიდენტმა, ხოლო ნოგვიანებით, როცა „როიტერის“ ჟურნალისტი კითხვას დაუბრუნდა, პუტინმა უპასუხა: „ჯერ ხომ მხოლოდ 2013–ია. წინ კიდევ ხუთი წელია“.

იმ შემთვევაში, თუკი ვლადიმირ პუტინი 2018 წელს საპრეზიდენტო არჩევნებში მართლაც მიიღებს მონაწილეობას და გაიმარჯვებს, მას აქვს შანსი დარჩეს ხელისუფლების სათავეში უფრო დიდი ხნით, ვიდრე საბჭოთა ლიდერი ლეონიდ ბრეჟნევი იყო.

60 წლის ვლადიმირ პუტინი ხელისუფლების სათავეში 2000 წლიდან იმყოფება. კიდევ ერთი ვადით არჩევის შემთხვევაში ის რუსეთის პრეზიდენტი 2024 წლამდე იქნება.