საწოლს მიჯაჭვულმა 82 წლის მამაკაცმა და მისმა მეუღლემ ჯვარი ჩერნოვეცკის ფონდის დახმარებით დაიწერეს

საზოგადოება - 10:26, 02 Mar, 2019

1078

ჩერნოვეცკის ფონდმა ორგანიზაცია გაუკეთა 82 წლის ბეჟან ჯოხაძისა და 81 წლის კლარა გეგეშიძის ქორწინების კურთხევას, რომლებმაც ოჯახი 40 წლის წინ შექმნეს. ბეჟან ჯოხაძე პროფესიით ენერგეტიკოსია, ხოლო მისი მეუღლე- ტექნოლოგი. მთელი შეგნებული ცხოვრება ისინი მუშაობდნენ წამყვან საწარმოო ორგანიზაციებში, ხელმძღვანელობდნენ მნიშვნელოვან პროექტებს, დაიმსახურეს საზოგადოების პატივისცემა და სიყვარული. მოხდა ისე, რომ შვილები მათ არ ჰყავთ, ხოლო ხანდაზმულობის ჟამს უამრავმა ავადმყოფობამ იჩინა თავი.

ბეჟანმა გადაიტანა ინსულტი, მიჯაჭვულია საწოლს, დაავადებულია კანის ინფექციით, ხოლო მის მეუღლეს აღენიშნება გულის უკმარისობა.

ჩერნოვეცკის ფონდის მედპერსონალი სისტემატურად აკონტროლებს მათი ჯანმრთელობის მდგომარეობას, უტარებს სამედიცინო პროცედურებს, ამარაგებს მედიკამენტებით.

„ძალიან დიდი ხანია ერთად ვცხოვრობთ, თუმცა ჯვარი არ გვქონდა დაწერილი. ძალიან განვიცდიდი ყოველივე ამას და ახლა ნამდვილად რომ ბედნიერი ვარ“,- გვითხრა ქალბატონმა კლარამ.

„ უკვე რამდენიმე წელია, რაც ჩერნოვეცკის ფონდი ორგანიზებას უკეთებს „შინ მოვლის“ პროგრამის ხანდაზმულ ბენეფიციართა ქორწინების კურთხევას. ბევრი მათგანი საწოლს არის მიჯაჭვული. ამ ადამიანებს არ შესწევთ დამოუკიდებლად გადაადგილების უნარი და ვერ დადიან ტაძრებში. მღვდელმსახურები რეგულარულად სტუმრობენ ჩვენს ბენეფიციარებს, აძლევენ მათ ზიარებისა და აღსარების შესაძლებლობას. ეს კიდევ ერთხელ უსვამს ხაზს საქველმოქმედო ორგანიზაციებსა და ეკლესიას შორის კეთილი და ნაყოფიერი თანამშრომლობის მნიშვნელობას. დიდი მადლობა მინდა გადავუხადო მოძღვარს მამა თომა ცეცხლაძეს, რომელმაც აკურთხა ჩვენი ბენეფიციარების ქორწინება“, - განაცხადა ფონდის დირექტორმა ელენე პოლიშუკმა.