ქუთაისის საკრებულოს ერთ-ერთმა ჩინოვნიკმა სამსახურიდან სახლში სახანძრო აღჭურვილობისთვის განკუთვნილი ნაჯახი წაიღო.

როგორც ახალი ამბების სააგენტო Topnews.com.ge-სათვის გახდა ცნობილი, შემთხვევა იმ დროს მოხდა, როდესაც საკრებულოს შენობაში შუქი გაითიშა.

"რადგან შუქი არ იყო, იფიქრა რომ ვერავინ დაინახავდა და ნაჯახი ჩამოხსნა, თუმცა თვალმა მაინც დააფიქსირა,"- განუცხადეს სააგენტოს.

ცნობილია ისიც, რომ ქალაქის მერმა მომხდართან დაკავშირებით უშუალო ხელმძღვანელს ჩინოვნიკის სამსახურიდან გათავისუფლება მოთხოვა. როგორ დასრულდება ინცინდენტი, ამ დროისათვის უცნობია.

ქუთაისის საკრებულოს პრესსამსახურში აცხადებენ, რომ მომხდარი მათთვის უცნობია.