კენიის დედაქალაქ ნაირობიში, ფეშენებელურ სავაჭრო ცენტრზე ტერორისტული შეტევის შედეგად 43 ადამიანი დაიღუპა, 200-ზე მეტი კი დაიჭრა. დაღუპულთა შორის არიან კანადისა და დიდი ბრიტანეთის მოქალაქეები, ასევე კენიის პრეზიდენტის ნათესავები. დაპირისპირება შენობაში გამაგრებულ ტერორისტებსა და ძალოვან სტრუქტურებს შორის ამ დრომდე გრძელდება. ტერაქტზე პასუხისმგებლობა სომალის ისლამისტურმა ტერორისტულმა ჯგუფმა „აშ შაბაბმა“ აიღო. ტერორისტებმა შენობის აღებისთანავე მისი დატოვების უფლება მხოლოდ ისლამის აღმსარებლებს მისცეს. France Press-ის ცნობით, ტერორისტები ავტომატებითა და ხელყუმბარებით არიან შეიარაღებული.

შენიშვნა: "როიტერის" ფოტოები.