დათვების რეაბილიტაცია, დათვი ჩოკას ფოტოს აქვეყნებს, რომელიც ქარის ქროლვას არ უშინდება და ხიდან ხეზე დაძვრება

"ხეძრომია ჩოფიკა არ უშინდება ქარის ქროლვას და თამამად დაძვრება ხიდან ხეზე. თანაც, ხეზე ასვლას ერთი დიდი პლიუსი აქვს, სიმაღლიდან სამეზობლო უკეთ ჩანს და ესეც თვალმოუშორებლად აკვირდება მგლების ხროვაში მიმდინარე საინტერესო ამბებს.

დიდი ცნობისმოყვარე ვინმეა.

ჩოფიკას მაიმუნობა გვერდით რომ დავტოვოთ და სერიოზულად ვისაუბროთ, ხეძრომიალობა, ცნობისმოყვარეობა და უშიშრობა სწორედ ის თვისებებია, რომლებიც ბუნებაში გადარჩენისას დათვს აუცილებლად გამოადგება" - წერს სოციალურ ქსელში დათვების რეაბილიტაცია.