16 წლის მოზარდი, რომელმაც წუხელ გვიან ღამით გორში თავის ჩამოხრჩობა სცადა, კრიტიკულ მდგომარებაშია. „ნიუპოსტის“ კორესპონდნეტის ცნობით, არასრულწლოვანი მართვით სუნთქვაზე, კომატოზურ მდგომარეობაში იმყოფება. რაც შეეხება ამავე ასაკის ბიჭის, რომელმაც ვენები გადაიჭრა, შესაბამისი დახმარების გაწევის შემდეგ, გვიან ღამით სახლში გაწერეს.

„დაახლოებით 16 საათია გასული რაც გოგონა კლინიკაში იმყოფება და აქამდე ჩატარებული კლინიკურ-ლაბორატორიული კვლევების საფუძველზე შეიძლება ვთქვათ, რომ მეტ წილად პროგნოზი არაკეთილსაიმედოა. შემოყვანისას მდგომარეობა იყო ძალიან მძიმე, გული ჰქონდა გაჩერებული, თუმცა, პირველივე წუთებში მოხდა გულის მუშაობის აღდგენა.“-აცხადებს სამხერდო ჰოსპიტალის დირექტორის მოადგილე ანა ბოქოლიშვილი.

შეგახსენებთ, გუშინ საღამოს, დაახლოებით 2 საათიანი ინტერვალით, გორში ორმა თანაკლასელმა სუიციდი სცადა. თავდაპირველად, გოგონამ თავის ჩამოხრობა სცადა, ხოლო მომხდარიდან რამდენიმე საათში, ბიჭმა ვენები გადაიჭრა. ფაქტს შსს 115 მუხლით იძიებს, რაც თვითმკვლელობამდე მიყვანას გულისხმობს.