საქართველოს მოქალაქეთა საკუთარ ტერიტორიაზე არშეშვების სტატისტიკაში იტალია ლიდერობს

საზოგადოება - 12:50, 17 Feb, 2019

3283

საქართველოს შინაგან საქმეთა სამინისტოს მონაცემებით, საქართველოს ყველაზე მეტი მოქალაქე 2019 წლის იანვარში გერმანიაში გაემგზავრა (7449). მოგზაურებისთვის პოპულარული იყო იტალია (4172 გასვლა), პოლონეთი (3336), საბერძნეთი (3307), საფრანგეთი (3004), ესპანეთი (2793), ავსტრია (2355), ჩეხეთი (1618) და უნგრეთი (1180).

საქართველოს მოქალაქეთა მიერ საზღვრის კვეთა ყველაზე ხშირად თურქეთის მიმართულებით ფიქსირდება (იანვარში – 116 220), მეორე ადგილზე აზერბაიჯანია (56 462), მესამეზე სომხეთი (25 012).

რაც შეეხება საქართველოს მოქალაქეთა არშეშვებას, სტატისტიკაში იტალია ლიდერობს, სადაც საზღვრის კვეთა 39-მა მოქალაქემ ვერ შეძლო. უარის შემთხვევები დაფიქსირდა შემდეგ ქვეყნებში: კვიპროსი (37), ესპანეთი (27), პოლონეთი (25), საფრანგეთი (22), გერმანია (14), უნგრეთი (6), საბერძნეთი (5), მალტა (3), ბელგია (2), ლატვია (2), რუმინეთი (2), ნორვეგია (1).

ამასთან, შენგენის ზონის ქვეყნების გარდა, საქართველოს 32 მოქალაქეს უარი ეთქვა თურქეთში შესვლაზე, 16 მოქალაქეს უკრაინაში, ხუთს ბელარუსში, ხოლო თითოს ყაზახეთსა და აზერბაიჯანში.

უწყების ცნობით, ისრაელში გამგზავრებული საქართველოს მოქალაქეებიდან ყოველ მეათეს უკან აბრუნებენ. კერძოდ, 2019 წლის იანვარში ისრაელში საქართველოს 1320 მოქალაქე გაემგზავრა, ქვეყანაში შესვლა კი 141-მა ვერ შეძლო. ისრაელიდან იანვარში საქართველოს 82 მოქალაქის დეპორტაცია განხორციელდა.