ქუთაისში გადაუღებელი წვიმების გამო, „მწვანეყვავილას“ უბანში მეწყერი ჩამოწვა.

„რიონჰესის“ დასახლებაში მიწა ჩამოიშალა, რის გამოც რამდენიმე ხე წაიქცა და საავტომობილო გზა ჩახერგა. ჩამოწოლილმა მეწყერმა ასევე ელექტროგადამცემი სადენები და ბუნებრივი აირის მილები დააზიანა.

სპეციალური ტექნიკით გზის გახსნა მალევე მოხერხდა.

სტიქიის ზონაში ღამე სპეციალურმა ტექნიკამ იმუშავა, რომლის საშუალებით ჩახერგილი გზა გაწმინდა. შემთხვევის ადგილზე ასევე იმყოფებოდნენ „სოკარ ჯორჯია გაზის“ ჯგუფები, რომლებიც ბუნებრივი აირის დაზიანებულ მილებს აღადგენენ.