ე.წ. ციანიდის საქმეზე მსჯავრდებული დეკანოზ გიორგი მამალაძის ადვოკატის განცხადებით ღუდუშაურის კლინიკის სამედიცინო პერსონალი ცდილობს დამალოს სასულიერო პირის ჯანმრთელობის რეალური სიმძიმე.

გიორგი ფანცულაიას განცხადებით, დეკანოზის ჯანმრთელობის მდგომარეობა კლინიკაში მიყვანასთან შედარებით, გაცილებით დამძიმდა:

„მისი ჯანმრთელობის მდგომარეობა გუშინდელთან შედარებით არის ბევრად უფრო მძიმე, მას უკვე სველ წერტილში და საპირფარეშოში გადაადგილების უნარიც კი არ აქვს, უფრო მეტიც, ისეთი მდგომარეობაა, რომ 2,3 და 5 წუთზე მეტის გაჩერების უფლებასაც არ გვაძლევენ, იმიტომ, რომ უფრო დამძიმდა მისი მდგომარეობა. ზედამხედველი ექიმი და მასთან მყოფი პირები, რომლებიც უშუალოდ ახორციელებენ მკურნალობას, არიან აგრესიულები, არ უნდათ ვინმემ გამოიტანოს ის რეალური ვითარება და ინფორმაცია, რომელიც დღეს, ამ წუთის მდგომარეობით, დეკანოზთან მიმართებით არის. ისინი გადმოდიან ჩხუბზე, კამათზე და თავხედობაზე, მათ შორის მკურანლი ექიმი, აგრესიულად, უზრდელურად იქცევიან“, - აცხადებს ადვოკატი.

იგი ასევე ეხმაურება საპატრიარქოს წარმომადგენლის მამა ანდრია ჯაღმაიძის ვიზიტს დეკანოზთნა:

„საპატრიარქო ამ თემაზე ორი წელია საუბრობს და თუ ვინმემ დაინახა, რომ საპატრიარქოს ამ თემასთან დაკავშირებით რაიმე ქმედითი ნაბიჯები გადაედგას, მე მგონი არავის დაუნახავს. სჯობს საპატრიარქოს წარმომადგენლებმა ნაკლები სიაუბრონ და რეალურად ქმედითი ნაბიჯები გადადგან. მათ მოქმედებას მაშინ შევაფასებ დადებითად, როდესაც რეალური ქმედებები იქნება განხორციელებული. საპატრიარქოდან მხოლოდ მონახულება სულიერი ძმის, ეს არც დიდ მოღვაწეობას წარმოადგენს“, - აღნიშნავს გიორგი ფანცულაია.