ე.წ. ციანიდის საქმე და საპატრიარქოს დამოკიდებულება დეკანოზ გიორგი მამალაძის მიმართ - ტელეკომპანია „რუსთავი 2“-ის გადაცემა „კვირის აქცენტებში“ ჭყონდიდელმა მიტროპოლიტმა მეუფე პეტრემ სკანდალურ წერილზე ისაუბრა, რომელიც დეკანოზმა ციხიდან გაგზავნა. მიტროპოლიტის განცხადებით, დეკანოზის წინააღმდეგ პატრიარქის გარდატეხის მიზეზი სწორედ აღნიშნული მუქარის შემცველი წერილი გახდა:

„იყო პრეცედენტი, როდესაც მამაომ ასეთი მუქარის შემცველი წერილი გამოგზავნა საპყრობილედან, რომელიც მომივიდა მე და სამ მღვდელმთავარს. მე დავუკავშირდი ერთ-ერთს და ვუთხარი, რომ მამაო რომ ასეთ წერილს წერს, მუქარანარევს და დავარქვი, რომ ეს არის "საეკლესიო ბედუკაძეობა". მიმაჩნია, რომ კაცი გატყდა ფსიქოლოგიურად იმიტომ, რომ უკვე მუდმივ პატიმრობა იყო მამაოს მიმართ მოთხოვნილი იმ პერიოდში. სასულიერო პირებს არ უშვებდნენ და იყო სრულ იზოლაციაში და იქნებ, შეხვიდეთ ამ ვიღაც მივუჩინოთ ამ ადამიანს, რომ დავეხმაროთ, ვანუგეშოთ, რომ სულიერად ძალიან რთულ მდგომარეობაში აღმოჩნდა-მეთქი და ამას მოჰყვა რამდენიმე დღეში მორიგი ბოროტება, როდესაც საპატრიაქროს იურისტი გამოვიდა და ცილი დამწამა - პატრიარქის მოკვდინებაში მადანაშაულებდა,“ - განაცხადა მეუფე პეტრემ.