სასულიერო სემინარიიდან თეოლოგ გოჩა ბარნოვის გათავისუფლების საკითხი - დარჩება თუ არა სემინარიაში პროფესორი ეს აკადემიურ საბჭოსთან შეხვედრის შემდეგ გაირკვევა. საბჭოს სხდომა რამდენიმე საათია მიმდინარეობს. საპატრიარქოდან სხდომას პროტოპრესვიტერი გიორგი ზვიადაძე ესწრება:

”უბედურება იმაში გახლავთ, რომ აი, პარასკევს, როდესაც დასვენების დღე იყო აქ 8 თებერვალს, რამდენიმე ადამიანმა შეადგინა ტექსტი და ამ ტექსტზე ხელის მოწერას სთხოვდნენ აკადემიის საბჭოს წევრებს ტელეფონის მეშვეობით. რამდენიმე წევრმა გააპროტესტა კიდეც ეს ქმედება და თქვეს, რომ ისინი ხელს არ მოაწერდნენ ამ ტექსტზე. არსებობს რაღაც ჯგუფი სამეცნიერო საბჭოს მიღმა, რომელიც კიდევ რაღაცას აკეთებს ამ საბჭოს უკან და შემდგომ აიძულებენ მის წევრებს, რომ ხელი მოაწერონ ამ დოკუმენტს,“-ამბობს ბარნოვი.