„საქართველოს სახელმწიფო ელექტროსისტემა" აცხადებს სამხატვრო კონკურსს

საზოგადოება - 10:32, 08 Feb, 2019

1075

თუ ხარ პროფესიონალი ან დამწყები მხატვარი და თვლი, რომ თანამედროვე მსოფლიო ენერგეტიკის დარგისგანვითარების გარეშე არ არსებობს, მაშინ ეს კონკურსი შენთვისაა! გაიცანი ჩვენი კომპანია (www.gse.com.ge) და ჩაერთე კონკურსში „ჩვენ მოგვაქვს თქვენთან სინათლე"!

„საქართველოს სახელმწიფო ელექტროსისტემა" აცხადებს თემატურ, სამხატვრო კონკურსს კომპანიის სლოგანის/გზავნილის თემაზე „ჩვენ მოგვაქვს თქვენთან სინათლე", რომლის ფარგლებში გამოვლინდება ორი გამარჯვებული.კონკურსის საუკეთესო ნამუშევარს გამოავლენს კომპანიის გუნდი, მეორე ადგილის მფლობელს კი შეარჩევს Facebookმომხმარებელი მოწონებების საშუალებით. გამარჯვებულებს გადაეცემათ 1000 ლარიანი სასაჩუქრე ბარათები.

კონკურსის პირობები!

კონკურსში მონაწილეობა შეუძლია ნებისმიერ პროფესიონალ, დამწყებ თუ თვითნასწავლ მხატვარს;

საკონკურსო ნახატი უნდა ეხმიანებოდეს ენერგეტიკის თემას. ნახატზე უნდა ფიგურირებდეს ქვესადგური ანგადამცემი ხაზი ან ელექტროგადამცემი ანძა;

ნახატი შექმნილი უნდა იყოს კონკურსის ფარგლებში. ზომა არანაკლებ 30X45 სმ;

კონკურსანტებმა შექმნილი ნამუშევრები უნდა მოიტანონ „საქართველოს სახელმწიფო ელექტროსისტემის" სათავოოფისში (თბილისი; ბარათაშვილის ქ. №2) 2019 წ. 7 მარტამდე;

ნამუშევრების ფოტოები აიტვირთება „საქართველოს სახელმწიფო ელექტროსისტემის" ოფიციალურ Facebookგვერდზე https://www.facebook.com/electrosystema ა. წ. 12 მარტს;

გამარჯვებულები გამოვლინდებიან 2019 წლის 20 მარტს.

12 მარტიდან ერთი კვირის განმავლობაში, Facebook მომხმარებელს შესაძლებლობა ექნება, მოწონებების საშუალებითგამოავლინოს თავისი რჩეული. ყალბი გვერდებით დაფიქსირებული მოწონებები არ ჩაითვლება!

კონკურსის დასრულების შემდეგ, გამარჯვებული ნახატები რჩება კომპანიას და მას ექსკლუზიურად ეკუთვნის უფლებაგამოიყენოს ისინი თავისი შეხედულებისამებრ.