ემილიანო სალას ტრაგედია - ლა-მანშის სრუტის ფსკერზე ჩაძირული თვითმფრინავიდან ცხედარი ამოიტანეს

მსოფლიო - 16:47, 07 Feb, 2019

5099

მაშველებმა ლა-მანშის სრუტის ფსკერზე ჩაძირული თვითმფრინავიდან ცხედარი ამოიტანეს. ამ თვითმფინავით არგენტინელი ფეხბურთელი ემილიანო სალა საფრანგეთის ქალაქ ნანტიდან უელსში მიფრინავდა ის საფეხბურთო კლუბ Nantes-ში თამაშობდა და უელსურმა კლუბმა „კარდიფ სიტიმ“ რამდენიმე კვირის წინ 17 მილიონ ევროდ შეიძინა.. ბრიტანეთის საჰაერო შემთხვევების გამოძიების განყოფილების ინფორმაციით, ცხედრის ამოტანის ოპერაცია რთულ პირობებში მიმდინარეობდა.

დაღუპულის ცხედარი ჯერჯერობით იდენტიფიცირებული არაა. ფეხბურთელის გარდა, ბორტზე მფრინავი - 59 წლის დევიდ იბოტსონიც იმყოფებოდა.

ავიაკატასტროფა 21 იანვარს მოხდა. ინტერნეტში გავრცელდა აუდოშეტყობინებაც, რომელიც ფეხბურთელმა მეგობრებს მანამდე გაუგზავნა Whatsapp-ით , ვიდრე კერძო თვითმფრინავი ლა-მანშის ზემოთ რადარებიდან გაქრებოდა. შეტყობინებაში სალა თვითმფრინავის ცუდ მდგომარეობაზე საუბრობს.

"როგორ ხართ ძმებო? მართლა ძალიან დაღლილი ვარ. ნანტში ვიყავი და იმდენი საქმე მაქვს, სულ საქმე და ეს არასოდეს მთავრდება“ - ამბობს ნანტე ერთ-ერთ მესიჯში.

«ახლა თვითმფრინავში ვარ და ისეთი გრძნობა მაქვს, რომ დაიშლება. კარდიფში მივფრინავ, საგიჟეთია. ხვალ ახალ კლუბში უნდა ვივარჯიშო ბიჭებო, ახალ კლუბში ვარ" - ეს მეორე შეტყობინებაა.

„ბიჭებო, ყველანი კარგად ხართ? თუკი ჩემგან უახლოეს საათ-ნახევარში ინფორმაციას ვერ მიიღებთ, მგონი სამაშველო გუნდი დაგვჭირდება. არ ვიცი, ვინმეს გამოგზავნიან თუ არა, მაინც ვერ გვიპოვიან. უკვე მეშინია“ - ეს კი მისი უკანასკნელი შეტყობინება აღმოჩნდა.