ე.წ. ციანიდის საქმე - დეკანოზ გიორგი მალაძის ადვოკატებმა საპატრიარქოს კიდევ ერთხელ მიმართეს. მამა გიორგი მამალაძის მოძღვარმა მისი სულიერი შვილის ზიარებაზე თანხმობა გამოხატა, სწორედ აღნიშნულს გამოეხმაურნენ უფლებადამცველები.

ადვოკატები თვლიან, რომ ზიარებასთან დაკავშირებული გადაწყვეტილება მაღალი იერარქიის მქონე სასულიერო პირმა უნდა მიიღოს:

„ოჯახის მოთხოვნა და ასევე ადვოკატების მოთხოვნა არის, რომ უშუალოდ საპატრიარქომ მიიღოს ეს გადაწყვეტილება. გადაწყვეტილება მიღებული იქნეს მაღალი სასულიერო იერარქიის მქონე პირების მიერ, გაიცეს კონკრეტულად ლოცვა-კურთხევა იმასთან დაკავშირებით, რომ დეკანოზი აზიარონ. შესაბამისად, ჩვენი პროტესტი და პირველ რიგში ოჯახის პროტესტი გაგრძელდება მანამ, სანამ საპატრიარქო არ აიღებს ამ პასუხისმგებლობას, რომელი პასუხისმგებლობაც დიახაც, მასზე არის,“ - განაცხადა ადვოკატმა გიორგი ფანცულაიამ.