რუსეთში ულიანოვსკის რეგიონში, სუვოროვის სახელობის სამხედრო სასწავლებელში 26 კურსანტს ექინოკოკოზი აღმოაჩნდა. ექინოკოკოზის გამომწვევია ლენტისებრი ჭიაა, რომელსაც შეუძლია შეაღწიოს ადამიანის ფილტვებში, კუნთებში და ტვინში.

ჯანდაცვის ადგილობრივი უწყების ინფორმაციით, ტვინის დაზიანება არცერთ პაციენტში არ გამოვლენილა, კისტოზური ცვლილებები კი ერთ-ერთ მათგანს აღმოაჩნდა,

სამხედრო სასწავლებლის კურსანტებს პარაზიტული დაავადება შემთხვევით, გეგმიური რენტგენოგრაფიის დროს აღმოუჩინეს. რუსული მედიის ინფორმაციით, დაავადების წყარო შესაძლოა საკვები იყოს, თუმხცა ამას უარყოფს უწყებათაშორისი კომისია, რომელმაც სასწავლებელში ინსპექტირება ჩაატარა.

სამხედრო სასწავლებლის კურსანტების მშობლების თქმით, პარაზიტებით დაავადდა 30 კურსანტი და 3 ოფიცერი, დაავადებულთაგან 3 მდგომარეობა მძიმეა, რადგან როგორც ისინი აცხადებენ „პარაზიტებმა მათ ფილტვები თითქმის მთლიანად შეუჭამეს.“ ერთ-ერთი მშობლსი თქმით, მათ შეატყობინეს, რომ მათი შვილები „ინვალიდები არიან და მათთვის სამხედრო სასწავლებლის კარი დაიხურა“