"ჩემი ძმა საპატრიარქოს გარკვეული დაჯგუფების, მთავრობის უკანონო პატიმარია" - დეკანოზ მამალაძის ოჯახი საპატრიარქოსთან აქციას მართავს

საზოგადოება - 15:52, 04 Feb, 2019

1270

დეკანოზ გიორგი მამალაძის ოჯახის წევრები საპატრიარქოსთან საპროტესტო აქციას მართავენ.

დეკანოზ გიორგი მამალაძის ძმა აქციის დაწყებამდე მსჯავრდებულს შეხვდა.

თორნიკე მამალაძე ამბობს, რომ დეკანოზი წინააღმდეგი იყო ამ შეკრების გამართვის.

„უკვე ორი წელია, რაც ჩემი ძმა, დეკანოზი გიორგი მამალაძე საპატრიარქოს გარკვეული დაჯგუფებიდან, მთავრობის ხელშეწყობით უკანონო პატიმრობაში იმყოფება. მისი ჯანმრთელობის მდგომარეობა დღითიდღე უარესდება. დღეს შევხვდი ჩემს ძმას. ჩემი ძმის პოზიცია იყო ამ აქციასთან დაკავშირებით, ასე რომ ვთქვათ ეს ეხება ეკლესიას და ჩემი ძმა სასულიერო პირია და იგი ცდილობდა გადაერწმუნებინა ჩემთვის ეს აქცია. მაგრამ მე ვარ ძმა, მე ვარ ოჯახის წევრი, მას ჰყავს სამი მცირეწლოვანი შვილი და მე ვფიქრობ მის ჯანმრთელობაზე, მის სიცოცხლეზე და ამიტომ გადავწყვიტე ეს პოზიცია. მე ამ ორი წლის განმავლობაში ვცდილობდი ყოველთვის საქართველოს საპატრიარქოსთან კომუნიკაცია დამემყარებინა და მომეგვარებინა, ასე რომ ვთქვათ შიგნიდან თავიანთი პრობლემა მაგრამ სამწუხაროდ ამ ორი წლის მანძილზე არანაირი დადებითი ნაბიჯი არ გადადგმულა,“-განაცხადა დეკანოზ გიორგი მამალაძის ძმამ თორნიკე მამალაძემ.

აქციაზე იმყოფებიან დაკავებული დეკანოზის მეგობრებიც. რომლებიც ამბობენ, რომ მამა გიორგი ხელისუფლების უკანონო პატიმარია.